Буюрынъыз меним интернет Джонкиме!

 

Селям алейкум, меним саифеме кирген

мухтерем достлар!

Мен «Къырымтатар языджылары бирлиги»нинъ реиси олам. Ве айны вакъытта «Йылдыз» журналында чалышам.

87 яшындам. 1928 сенеси Къарасувбазар районы, Барын коюнде догъдым. Озюм 1959 сенеси Самаркъанд тиджарет институтыны битирдим. 1965 сенеси мени Ташкентте «Ленин байрагъы» редакциясына чагъырып терджиман оларакъ ишке алдылар. 12 йыл «Ленин байрагъы»нда , сонъ «Йылдыз» журналында чалыштым.

Демек, иджадий иште, эдебиятта къалем ишлеткениме бу сене тамам 50 йыл олды. Кечкен девирде 50-ге якъын китап чыкъардым.

Булардан ярысы меним озь китапларым олса, къалгъаны я тертип эткен, я да редактирлеп неширге азырлагъан китапларымдыр.

Меним эсас макъсадым бу интернет-джонкте къырымтатар эдебиятынен меракълангъан бир чокъ окъуйыджыларны эдебиятымызнен, онынъ кечмишинен, айры эдебият нумюнелеринен, энъ корюмли эдиплеримизнен таныш этмек, халкъымызнынъ кечмишинден, тарихымыздан, медениетимизден малюматлар беян этмек ве иляхре.

 Тартынманъыз, киринъиз меним Джонкиме.

                                                                             Сайгъы иле Риза Фазыл.

 

Уважаемые посетители моего блога,

вас приветствует писатель Риза Фазыл.

 В настоящее время я являюсь председателем Союза крымскотатарских писателей, работаю в журнале «Йылдыз».

Мне 87 лет. Родился в 1928 году в дер. Барын, Карасубазарского района. В 1959 году окончил экономический факультет Самаркандского института торговли. В 1965 году был приглашен переводчиком в газету «Ленин байрагъы». В 1980 году перешел на работу в журнал «Йылдыз».

 Таким образом, я уже 50 лет неразрывно связан с литературной деятельностью. За эти годы издал около 50 книг. Половина из них написаны мною, остальные – редактировал, готовил к печати, являлся составителем.

 А теперь мне хочется посредством интернета – через свой блог – поделиться с друзьями своей любовью к крымскотатарской литературе, рассказать о ее зарождении, истории, познакомить с классиками и видными представителями этой литературы, их произведениями, показать историю Крыма через призму их творчества.

                                              Добро пожаловать в Блог Ризы Фазыла!