МЕРДЛИК

Инсан огълу инсаннынъ аятында

Чокъ шей ола – бу Алланынъ ишидир.

Къаза ола, я мушкуль алгъа къала,

Бунъа чыдагъан инсан – мерд кишидир.

Бакъынъыз, не аджайип бойле алда,

Кулюмсиреп яшамакъ бу дюньяда.

Бунъа дерлер джесюрлик, къараманлыкъ,

Рухтан тюшмей яшамакъ – бу инсанлыкъ!

Санъа бакъып коремен хаялымда

Ватанымнынъ мерд къызы АЛИМЕНИ.¹

Яш джаныны аямай Ватан ичюн

Феда эткен джанкуер САБРИЕНИ.²

Сукъланаман, къардашым, мердлигинъе,

Тюшкюнликни енъген хош гонъюлинъе!

Омюр бирдир, яша сен кулюмсиреп,

Бойле кечсин эр кунюнъ серинсиреп.

__________

¹ Халкъымызнынъ Къараман къызы Алиме Абденнанова.

² Ана-Ватан огърунда яшлай джаныны феда эткен

Миллий арекет федакяры Сабрие Сеутова