воскресенье, 14 февраля 2016 г.

 Damir Nabi Лиля, татарские языки в том числе узбекский и другие к тому же 100 лет назад почти не отличались, их искусственно-намеренно-специально меняли, чтоб друг друга не понимали, и считали что мы мол разные народы, об этом Вассерман также рассказывал. (Из Фейсбука).

Да, безусловно языками манипулировали, особенно тюркскими. Но не надо забывать и то, что все народы имеют особенности как своего происхождения (связанные с местом их обитания), так и особенности развития каждого из языков в историческом плане. Не является исключением и наш крымскотатарский язык, прошедший много этапов развития. Когда-то было арабско-персидское влияние на литературный язык (см. произведения Ашика Умера, Мустафы Джевхерий и других средневековы авторов). Затем было турецкое влияние (произведения Шамиля Токътаргъазы, Джемиля Керменчикли и т.д.). Приведенный пример показывает как трансформировалось написание имени УМЕР, пока не принял в соответствии с современным произношением данную форму. Чокъ шукурлер олсын ки, 20-30-джы сенелерде тешкиль этильген тиль конференциялары нетиджесинде, чет тиллернинъ тесиринден къуртулып, озюмизнинъ ана тилимиз устюн чыкъты ве шундан берли земане къырымтатар эдебий тили шекилленип, джуляланып, пекишип кельмекте. Бу тильде къырымтатар эдебияты яратылып кельмекте. ЭДЕБИЯТЫМЫЗНЫНЪ КЕЧМИШИ ДЕ, БУГУНИ ДЕ, КЕЛЕДЖЕГИ ДЕ - БУ ТИЛЬДЕ. Келинъиз, мисаль оларакъ, "къырымтатар тилининъ энциклопедиясы" деп къыймет кесильген "Аслыхан" дестанынынъ муэллифи, мутебер шаиримиз Эшреф Шемьи-заденинъ, шу сатырларына козь ташлайыкъ. О, дестаннынъ сонъунда окъуйыджыгъа мураджаат этерек, шойле яза: 
Сонъунадже окъуп чыкъып,
Шу быралкъы эсерни:
«Тилимиз пек зенгин экен!»
Десенъ, манъа етерли.

Эбет зенгин, акъраны аз,
Рус тилиндай гурьликте.
Татлылыкъта, саделикте,
Назикликте, тюзликте.

Бу зенгин тиль халкъымызнынъ
Къальп севинчи, фигъаны.
Тюркий тиллер гульзарынынъ
Энъ чечекли фиданы.

Меним ишим шу фидандан
Сюслю гуллерни термек.
Сонъ олардан демет япып,
Къайтып халкъыма бермек.

Мында бар кузь гузеллиги,
Далгъаларнынъ океси,
Саарь вакъты тазелиги,
Геджелернинъ бусеси.

Ешиль ашлыкъ шувултысы,
Ыс къокъусы бар мында.
Мукъаддераты бу тильнинъ –
Яш келинлер багърында.

Мында асрет аналарнынъ
Беддуасы, дуасы.
Мында Бейбарс, Бораларнынъ
Икътидары деасы.

Джайыкъбаштан эскен ельнинъ
Талгъынлыгъы – бу тильде.
Яралангъан шаин къушнынъ
Чылгъынлыгъы – бу тильде.

Бу тильден кучь, гъыда алгъан
Бозйигитнинъ джоравы.
Менъли-Сулув къартанайнынъ
Чорасына джылавы…

Бир чокъ медений халкъларда
Олгъан киби, бизим де,
Иште бойле къазнамыз бар
Элимизде бугуньде.

Бу тиль, достым, меним, сенинъ,
Халкъымызнынъ анъына,
Юрегине, зеинине,
Дамарына, къанына

Синъген сабий чагъымызда
Анамызнынъ сютинен.
«Ай-ненни»нинъ татлы, шырын
Эзгисинен, бейтинен.

Севингенде, къуванчыны
Халкъ бу тильде бильдирген.
Тарсыкъкъанда, яныгъыны,
Кене шунен сёньдирген.

Бинъ йыл бурун, халкъ бу тильде
Табынгъан Алласына.
Къальбини бу тильде ачкъан
Ашыкъ-машукъасына.

Секиз юз йыл бундан эвель
Къырымлы Махмуд Къасым
Кефеде, бу тильде язгъан
«Юсуф ве Зулейха»сын.

Еди юз йыл эвель бу тиль
Халкъара тиль танылгъан.
Дипломатлар бизим тильни
Огренмеге ынтылгъан.
…………………………
Сонъ, буларны биле турып,
Насыл этип джошмайым?
Насыл этип, гъурурланып,
Севинмейим, ташмайым?

Сен де буны эшиткен сонъ,
Насыл этип джошмазсынъ?
Юрегинъ таш дегиль исе,
Севинмезсинъ, ташмазсынъ?

Озь алымджа, мен шунынъчюн
Гедже-куньдюз урунып,
Шиириме сёз джевхерин
Шу къазнадан къыдырып,

Эр сатырым яшкъа-къарткъа
Анълайышлы олсын, – деп,
Бу асыл тиль яш несильнинъ
Димагъына толсын, – деп,

Кениш къыпчакъ дерьясынен
Толы нефес аламан.
Чюнки мен де шу дерьянынъ
Бир тамчысы оламан.

1 комментарий: